Diadomingo anochi na centro di bario noord Erick Tromp a keda eligi como president di Sport Club United y ta duna di conoce cu trabao semper tin, su mes un yiunan tin mas cu un aña ta hungando den e club y durante cu su yiunan ta activo den e club a tuma nota cu e club ta serio y ta traha duro pa yega na su metanan y ta haci hopi actividad pa e club por recauda fondo pa asina hinca bek den e muchanan.
Presidente nobo Erick Tromp ta consciente cu tin hopi reto su dilanti y tin hopi trabao pa cuminsa cu ne y e intencion ta pa sigui cu e club. E veld di United ta keda net patras di misa di noord y tur mucha cu ta interesa por yega riba e veld y e mayornan cu ta interesa pa nan yiunan forma parti di e club di Sport Club United ta bon bini.
Tin muchanan di U-7 te cu muchanan mas grandi. Tur mucha ta bon bini y esunnan cu no ta sigur ainda por haci un tryout y wak si nan ta gusta. E meta ta pa tin hopi mas mucha cu ta haci deporte y ta menos tras di e computer cu weganan artificial. Ta importante cu e mucha ta haci deporte. Awor aki cu e bestuur a keda instala lo sinta hunto pa asina mira kico ta e plan strategico cu lo haci pa cu e team.