Den fin di siman Drectie Luchtvaart Aruba a saca un comunicado y ta indica cu e autoridad di aviacion Europeo (EASA) a emiti un directiva technico obligatorio (“Airworthiness Directive”) cu ta aplica pa avionnan tipo Airbus A320, esaki ta significa cu e avionnan aki no por bula debi cu nan lo mester reemplaza/modifica un pieza (“elevator aileron computer”) prome cu e siguiente vuelo. E situacion aki a conduci cu posiblemente Aeropuerto di Aruba lo haya su retonan. Sinembargo departamentonan di aerolinjanan mesora a activa pa asina cambia pasaheronan den otro vuelonan.
Nos a combersa cu relacionista publico di Aeropuerto di Aruba sra Marylin Feliciana ta indica cu te na e momentonan aki e impacto na aeropuerto di Aruba e impacto tabata minimo durante di e fin di siman cu a pasa tras di lomba.
Diasabra un vuelo a keda cancela y 5 otro vuelo a keda retrasa, un vuelo a keda cancela despues cu e la yega anochi laat , pero e la Sali diadomingo mainta. Tambe tur pasahero cu cancelacion di nan vuelo a wordo re booked riba otro vuelo y ningun hende no a keda atras.
Ta na e momentonan aki e operacion na aeropuerto ta canando normal, pero ta keda pendiente pa cualkier desaroyo den e siguiente dianan. Sinembargo na mes momento ta conseha tur biahero cu ta biahando den e dianan aki pa tuma contacto cu nan aerolinea pa cualkier desaroyo di nan vuelonan.