Cu nos bunita Himno di Aruba y orguyoso di nos bandera, e delegacion di Aruba, ASA Elite Sub-12 a debuta diadomingo mainta pa apertura official di e MIAMI Cup 2024 na Tropical Park Soccer Fields na Miami.
Aruba ta participando den e torneo internacional hunto cu 13 pais.
Aruba Soccer Academy, ASA ta representa nos pais cu 17 futbolista hoben y lo tin schedule fuerte e siman entrante.
E delegacion di Aruba ta conta cu 45 persona entre hungador, coaches y mayornan.
Nos ta desea ASA Elite Aruba tur clase di exito na e Miami Soccer Cup 2024. Y sigi cu e bon trabou pa nos hoben nan den e deporte bunita di futbol.
