PPA ta celebra e punto mas halto di reconstruccion di e centro patriotico y ta lanza su rifa pa recauda fondo

Cu un ambiente di hubileo y gratitud, Partido Pueblo Arubano (PPA) a anuncia cu e proyecto di reconstruccion di su Centro Patriotico na San Nicolas a yega na su punto mas halto. Lider di Fraccion di PPA, Sr. Eduard Pieters, a expresa un profundo gradicimento na e pueblo di Aruba y na tur esnan cu a aporta pa transforma loke antes tabata un ruina den un centro funcional pa duna  servicio di e ciudadanonan di  pais Aruba.

Sr. Pieters a enfatisa cu e Centro Patriotico lo no sirbi unicamente San Nicolas, sino e comunidad di Aruba den su totalidad. Aña aki, e centro ta full operacional pa brinda asistencia directo na e ciudadanonan den e procesonan digital y administrativo cu hopi biaha ta representa un obstaculo:

Asistencia paso pa paso pa personanan cu mester tramita permisonan oficial.

Acompañamento digital pa nos grandinan pa cumpli cu nan obligacionnan di belasting (aangiftebiljet), garantisando cu nan ta haya e apoyo necesario den e era digital.

Equipamento pa facilidad di e proceso di asesoria y orientacion.

“E centro aki ta pa full Aruba. Nos ta bay sinta y yuda e pueblo paso pa paso, percurando pa nos adulto mayornan no keda lubida y por haci nan tramitenan correctamente,” Sr. Eduard Pieters a declara.

Recaudacion di Fondo: Rifa Benefico pa Pueblo

A pesar di e avancenan grandioso, e trabounan den e centro ta continua. Pa e motibo aki, PPA a organisa un Rifa cu lo hunga dia 30 di october (segun e sorteo di Diario), diseña cu premionan pensa netamente pa alivia e gasto di bida di e famianan na Aruba:

E premionan aki a wordo scogi cuidadosamente debi na e preocupacion pa e aumento di e costo di bida, incluyendo e subida proyecta den e prijs di gasolina. E partido ta invita e comunidad y su simpatisantenan pa contribui cumprando buki di rifa pa asina continua e trabou di construccion.

Mientrastanto, PPA ta sigura cu nan ta uniendo candidatonan potencial cu gran credibilidad y preparacion pa conforma e lista patriotico cu lo representa e pueblo den e proximo gobernacion. E meta ta pa aplica e mesun modelo di trabou, dedicacion y reconstruccion cu a wordo demostra den e cas di partido directamente na e futuro di Aruba.