Tourism Corporation Bonaire ta yama bon bini na Elesiër Angel

Tourism Corporation Bonaire (TCB) ta yama bon biní na Elesiër
Angel, ku ta okupá e funshon di Cruise & Project Coordinator.
Elesiër tin eksperensia lokal i tambe internashonal den hospitaleria, research i turismo. I aparte di
a kompletá su MBO i HBO, Elesiër a studia pa e titulo di Master in Tourism Destination
Management na Breda University na Hulanda. Durante su periodo komo studiante, Elesiër a kore
stazje na Boneiru i Sint Maarten i tambe e a kondusí estudionan na Boneiru, Cambodia i Australia.
Elesiër ta kontentu i ansioso di e oportunidat pa por forma parti di e tim di TCB. Elesiër ta kla pa
kontribuí na e rekuperashon i kresementu sustenibel di e isla, i ta kla pa hiba Boneiru i e komunidat
na e siguiente nivel.
Nos ta yam’e bon biní na e tim di TCB i ta deseá Elesiër tur klase di èksito den su funshon nobo
komo Cruise & Project Coordinator