PoliticaFeaturedLocalVideo

Parlamentario Arthur Dowers: Aruba Mester di un cambio

Parlamentario Arthur Dowers 1

Parlamentario Arthur Dowers den reunion  pa trata cambionan den  presupuesto supletorio di Pais  Aruba ta duna di conoce cu gobierno mester bin parlamento si tin deseo di haci cierto cambionan y gasta mas placa.

Segun parlamentario Dowers nos no mester lubida cu prome minister Evelyn Wever Croes a cera un deal y acepta Rijkswet unda cu a entrega autonomia di Pais Aruba y a cambio Aruba a haya un corting di rente cu ta significa cu Aruba tin un suma di placa cu por duna bek na e ambtenaar nan, pero lo duna solamente un parti di e indexering.

Segun Parlamentario Arthur Dowers pa dunamento di indexering aki minister di finansien por a bin parlamento y presenta e presupuesto supletorio y presenta e cambionan na parlamento pa e 11 ja knikkersnan vota voor sigur.

Sinembargo gobierno a tuma e decision di coy un sfeer cu ta un cos grandi a pasa, pero e realidad ta cu nada particular a pasa. Segun parlamentario Arthur Dowers cambio den e ley ta masha chikito mes , pero a scoge pa bin cu tur a miembronan di gabinete y ta ripara cu no tin nada di haci debi cu nan no sa kico nan mester haci.

Ta lamenta cu pa oranan largo gobernantenan a bin den parlamento y papia oranan largo cu e echo cu a bati pueblo cu medida unda cu a baha e ambtenaarnan nan salario unda cu nan poder di compra a bay atras y awe kier compensa nan parcialmente . Segun parlamentario Dowers  e wega politico cu ta keda haci den porta di eleccion y ta trata di drecha e situacion debi cu nan sa cu eleccion ta den porta.

E reunion mes a bay den un ambiente hopi negativo unda cu tabatin acusacion na direccion di parlamentarionan cu ta hopi respeta den comunidad di Aruba porehempel Sra Mervin Wyatt Ras cu ta un sra hopi respeta den comunidad unda cu ta sali bise cu e tin un substancia blanco den su nanishi , esaki ta di lamenta.

Sinembargo parlamentario Arthur Dowers ta duna di conoce cu nos tur sa kende ta e politiconan cu si ta hala cocaina of tabata hala cocaina , of ta adicto y ta den recuperacion, tur hende sa esaki. Pero pa loke ta trata Parlamentario Mervin Wyatt Ras esaki no ta e caso y no ta un persona cu ta hala cocaina. Parlamentario Arthur Dowers ta lamenta cu un Sra cu ta mama, cu ta wela , esaki ta e comportacion di ehempel cu ta duna den comunidad unda ta insulta un otro hende muhe di ta uza Cocaina.

Pa parlamentario Arthur Dowers na e Pais aki mester di un cambio y nos como ciudadano mester rechasa tipo di actitudnan asina den parlamento di Aruba. Sinembargo no ta desconoci cu den pasado Aruba a conoce politiconan hopi bruto y onbeschoft, pero di e nivel di loke a pasa den e reunion ultimo den Parlamento nos no a conoce ainda.

Parlamentario Arthur Dowers ta kere cu tin speransa mirando cu tin hende nan drechi den politica y no ta tur ta mes un cos, hasta den partido MEP ta mira esaki unda cu tin un of dos hende den MEP cu ta respeta tur hende. Na momento cu un minister ta bin den parlamento ta contesta e preguntanan alcaso, e parlamentario tin derecho di papia y e ta su luga y e por papia kico e ta desea y no ta ningun minister su deber di bin den nan cas y lastra e parlamentarionan manera ta haya ta bon.

Den pasado caba Parlamento di Aruba a keda yama popenkast unda cu hasta sin mayoria kier a baha un minister e tempo di presidente di parlamento Ady Thijsen, pero tambe e presidente di parlamento actual no ta para e minister nan na momento ta ofende parlamentarionan den cas.

Loke ta di lamenta na momento di tratamento di e cambionan den presupuesto supletorio tabata un reunion cu hopi gritamento, papiamento,gañamento y zundramento , pero na final di dia lo grita voor pa e placa di pension y indexering e ciudadanonan haya un parti di dje.

Parlamentario Arthur Dowers tabata bon cla cu e no ta sostene ningun ley di e gobierno actual debi cu no ta diacuerdo cu e gobierno actual ta masacra e pueblo di Aruba cu medida y ta faborece friends and family y ta dies duna un tiki so bek na e ambtenaar.  Segun parlamentario Arthur Dowers si mester bay vota voor pa esaki mañan pueblo ta castiga su persona di a aproba pa abusa di e pueblo, esaki ta loke no por carga riba consenshi.

Related posts

Rapport di IMF a indica : Aruba a resulta e di dos pais cu mas a keda afecta dor di pandemia di COVID

EA News Author

Parlamentario Hendrik Tevreden : Cu cambio di mentalidad y actitud Aruba lo tin hopi mas beneficio

EA News Author

Bari COHO for di mesa y frima Onderlinge Regeling pero keda cumpli cu Landspakket ta un logro grandi pa Aruba

EA News Author

Leave a Comment

Whatsapp Message