ORAJESTAD,Aruba
Miembronan
di Aruba Timeshare Association, ATSA, a disfruta di un oportunidad ideal di
networking cu cocktails sigui pa cuminda delicioso den nan celebracion di un
exitoso final di aña 2019, y deseando comienso di un prospero 2020.
Host di e fiesta, Luigi Heredia, na cabes di e organisacion, General Manager di
Costa Linda Beach Resort, a duna bon bini na e invitadonan na e bar deck riba
beach na Amsterdam Manor. Despues di a disfruta di un Kir Royale fluit di bon
bini, un caloroso bon bini tambe di Heredia, tur hende a sigui e fiesta na
Passions riba beach cu mesanan rondo riba e santo blanco pa un maraviyoso cena
crea por medio di chef ehecutivo Gerard Coste, incluyendo un tasting generoso
di e restaurant su platonan famoso.
Para entre un grupo di coleganan di ATSA y amigonan stima, Heredia a subraya cu
2019 tabata un aña hopi druk pero tambe hopi fructifero. Aruba su Vacation
Ownership resorts a continua na brinda experiencianan memorabel na
bishitantenan fiel kende ta keda ripiti nan bishita y mantene nan share
considerablemente di e isla su inventario di camber, contribuyendo na nos GDP na
un manera significante.
Pa e aña venidero, e organisacion su meta ta pa crea un handbook, cual ta
describi e rol di e industria na Aruba. E handbook lo wordo prepara den
colaboracion cu Universidad di Aruba, y lo wordo basa riba un version di 2016,
cual a wordo publica y sosteni por medio di e organisacion.
ATSA ta spera cu por medio di crea un buki comprensivo, Arubianonan hoben educa
lo keda motiva pa
forma parti di e industria cual ta ofrece hopi oportunidadnan pa crecemento
personal, mesun hopi cu ta wordo ofreci por medio di hotelnan tradicional.
E industria di vacation ownership, Heredia a remarca, no ta muchu comprendi
akinan ainda, sinembargo e ta bon admira na otro islanan.
E organisacion tambe lo dedica mas tempo na un cambio di nomber di Vacation
Onwership, pa un termino mas apropia cu lo fit cu e milenio nobo.
ATSA
tambe a skirbi un co-promocion cu Aruba Tourism Authority den nan plan di
accion mientras e industria grandi aki ta explora
oportunidadnan mas nobo y fresco den hospitality, anto cambia su imagen pa uno
mas dinamico.
Cu 15 miembro di resort y 4 non-members, Aruba’s Vacation Ownership riba Caribe
su destinacion number uno, den e network di intercambio, ta orguyoso di su
doñonan, kende a sostene One Happy Island semper den temponan bon y malo, tragedianan
personal desafortuna, fracaso den public relations, y caidanan economico
global. Nan t’ey constantemente, y nan ta sigui regresa nan dushi isla stima.
Ningun otro isla den Caribe por proclama esaki, Heredia a comenta, e ta unico pa Aruba y un motibo di envidia pa hopi.
Heredia a conclui bisando cu tanten e isla sigura suficiente transporte aereo, y tanten e isla sigui inova su mes, ofreciendo productonan nobo, protehando e medio ambiente, y busca pa alternativanan sostenibel, e lo disfruta di un prospero 2020, y sigur tur e añanan cu ta sigui despues.
