DEN HAAG, Nederland
Entrante dia 1e di september 2020 Conseho di Ministro di Reino a renombra Gregory Damoen miembro di Colegio di supervision financiero di Corsou y Sint Maarten riba proposicion di Corsou. Ta efectua e renombramento pa medio di un Decreto Real y e lo ta vigente pa un periodo di tres aña.
Damoen ta miembro di Cft desde dia 1e di september 2017. Actualmente e ta Chief Financial Officer (CFO) interino na Banco di Desaroyo di Antia Hulandes (Ontwikkelings Bank Nederlandse Antillen – OBNA). Prome cu esey e tabata Director adhunto Risk & Compliance na Banco Central di Corsou y Sint Maarten y anteriormente di esey e tabata, entre otro, Director di Finansa na Gobierno di exAntia Hulandes. Gregory Damoen tin un grado di Master den Accountancy.
