Nos pasonan alegre, nos movecion, nos expression!
Den bo brasa, bo man firme riba mi cintura
Nos ta draai, nos ta bibo, nos bendicion, anto con !
Bo ta bisami den mi orea con hopi bo stima’mi
Bo wowonan ta topa’mi, bo ta caricia’mi
Nos ta bayla riba ritmo di nos dushi cancion
Nos curason su ritmo bunita y firme cu lo dura
Te ora e melodianan di nos curpa poco poco marchita
Te ora nos curpa cansa y cuminsa cabisha
Den un sonjo eterno di nos amor di casi 45 anja
Cu nos tin fia, cu como regalo precioso nos a hanja
Cu nos a ricibi di nos Architecto di Universo, Creador
Na Su nomber Gloria cu danki pa nos eterno y gran amor.