Dia 1 di oktober binidero lo tin un caminata alrededor di 5 or cu lo ta cuminsando desde plaza Bolivar caminda di renaissance cabando dilanti waf “i love aruba” sign . E caminata aki tin un meta grandi y serca di e curasonan di Venezolano nan bibando aki na Aruba y aya na Venezuela.
E caminata aki tin como proposito rescata e democracia di Venezuela y diferente aspecto cu pa nan ta bayendo malo den nan Pais. Nan kier cu e caminata aki remarca e nescecidad di un cambio den e areanan di educacion, alimentacion, salud y tur loke nan kier bek manera antes.
Nan ta apela na tur hende cu kier participa pa bin inscribi desde diasabra di 10or di mainta pa alrededor di 5or di atardi coco plus y berloni unda nan lo ta la pa yuda, inscripcion tin un costo di 10 florin y tin posibilidad di haya un tshirt pa 5 florin.
nan ta haci e caminata aki no solamente pa rescata nan democracia pero tambe apoya candidata Maria Corina Machado cu ta postulando su mes pa un mihor Venezuela y cu un vision cu nan tambe ta para pe. E futuro di nan Pais ta loke nan lo marcha den nan caminata y ta spera di wak cada uno di nos dia 1 di oktober 2023 5 or saliendo for di Plaza Bolivar.
Tambe nan ta recorda cada Venezolano cu a inscribi pa e votacionnan binidero cu esakinan lo tuma lugar dia 22 di Oktober binidero na Centro di bario Playa Pabou entre 8or di mainta pa 6or di atardi.
