Milagernan semper ta sosode den boluntad di Dios,pasobra for di principio di mundo Dios ta haciendo
milager .
Pa nos ricibi milager di Dios nos mester tin fe, pasobra e palabra di Dios ta bisa: asina ta cu Fe ta bini
for di tendemento y tendemento pa medio di e palabra di Cristo.( Romanonan 10: 17).
Ma lage pidi den Fe sin ningun duda,pasobra esun cu ta duda ta manera un ola di laman, cu ta wordo
lastra y tira door di biento.(Santiago 1:6).
*E muher cu tabata sufri di 12 aña di fluho di sanger,simplemente a kere cu si e mishi cu e mantel di
Hesus lo e bira bon.
*Maria a kere y a bisa e angel: Ata e sirbido di Señor: Laga sosode cu mi segun bo palabra, Y e angel
a kita bay lage. Asina Maria a sali na estado di Hesus, door di kere locual e angel a bise.
*Bartimeo a tende cu Hesus ta pasando y a kere cu e lo por recobra su bista.Y e a recobra su bista.
*Hairo a roga Hesus pa bay su cas y pone man riba su yiu cu tabata muriendo, pa e yiu bira bon, y a
kere contra tur contratiempo den su caminda y su yiu a wordo sana.
*Pedro y Juan a kere den e nomber di Hesus di Nazareth y a bisa e paralitico pa lanta y cana, y a dune
un man y e paralitico a lanta y cana.
*Pedro a bishita un enfermo na Lida cu yama Eneas, y a bise Eneas Hesus Cristo ta sana bo, lanta y
cohe bo cama, y Eneas a lanta y cohe su cama.
*Pablo y Silas den prison, a kere y tabata canta Alabansa y haci oracion na Señor y mey mey di anochi
e prison a wordo sacudi pa un temblor, cadenanan a cay y portanan a habri.
*Dos leproso a kere cu Hesus por haci e milager, y nan dos a keda limpi di nan malesa.
*Ana casa di Elcana no tabatin yiu, pasobra Señor a sera su matris, Ana a kere den Dios y haci oracion
y Dios a dune un yiu. ( 1 Samuel 1:20).
Awendia tin hopi hende cu mester di un milager, hopi kier un milager pero poco ta kere, ciencia
medico a aumenta, y hopi biaha nos ta tende ta wordo dicta 3 luna mas di bida, 6 luna mas di bida, e
malesa ta terminal.
Den hopi pais rond mundo Euthanasia ta wordo presenta na hende, y hopi otro cos , pero e ultimo
palabra ta Dios tin e.
Den Lucas 18:27 Hesus ta bisa: E cosnan imposibel pa hende ta posibel pa Dios.
Den Lucas 1:37 E palabra di Dios ta bisa; Pasobra pa Dios nada lo ta imposibel.
Den Marco 9:23 Hesus a bise : Si bo por . Tur cos ta posibel pa esun cu ta kere.
Den Lucas 11:40 Hesus a bise:Mi no a bosa bo cu si bo kere, lo bo mira e gloria di Dios.
Mateo 7:7 Hesus ta bisa, pidi y boso lo haña, bati y lo wordo habri pa boso.
Nos tin un Dios cu ta haci milager, pero pa motibo di duda y falta di Fe, hopi no ta ricibi e milager cu
Dios tin pa nan.
E enemigo ta bini cu tur tipo di distraishon, pa asina trece duda den mente di hende,pero e milager nan
di Dios semper lo tey pa tur esnan cu ta kere den Dios.
Awe nos kier invitabo, pa kere den Dios, pone bo fe y ricibi bo milager.
Sinceremente, Pastor Marcel Balootje.