Diabierna anochi den careda di 8:30 polis a wordo informa di un accident entre auto cu brommer pazuid di EPB Hato. E accidente a sosode ariba crusada T pazuid di e scol.
Na yegada di polis e motociclista no tabata na e sitio, parse e lo a core bay busca documento nan di e brommer na Dakota. E accidente a sosode momento cu e Chevrolet Aveo maneha pa un señora di edad no a duna e brommer preferencia saliendo su dilanti.
Den e auto un persona a bira malo y pa e motibo aki a pidi pa un ambulance, na yegada Paramediconan a duna e ocupante asistencia.
Daño material tabata minimal, caminda a wordo cera un rato pa polis haci investigacion.
