ORANJESTAD, Aruba
Fase Helpdesk team a bin ta tuma nota cu hopi hende cu ta desea prolongacion eroneamente a registra full di nobo como trahado riba e website di FASE helpdesk. E diferencia ta: esunnan cu awo kier aplica pa FASE pa prome biaha tin cu yena Formulario Trahado. Esunnan cu ya ta ricibiendo FASE y kier sigui haya FASE tin cu yena Prolongacion FASE.
Fase Helpdesk ta alerta tur hende cu si bo registra di nobo, no kiermen cu bo ta prolonga. Bo mester aplica pa prolongacion riba e website di fasehelpdesk.com.
E instruccion ta como lo siguiente:
- Habri e website fasehelpdesk.com
- Scoge Prolongacion FASE – sea trahado of ZZP, esun cu ta aplicabel pa bo.
- Yena bo number di FASE
- Yena tur dato cu e formulario ta rekiri
- Upload tur documento pidi
- Y djey click riba Prolonga FASE
Un biaha mas e yamada: si bo a registra di nobo esey no kiermen cu bo a prolonga.
Solamente esunnan cu yena e formulario pa prolongacion lo bin na remarca pa esaki.
Corda cu ultimo dia ta 15 di augustus
FASE Helpdesk
12 augustus 2020