Pa comercio y trahadornan por surpasa e crisis economico cu COVID19 ta trece cune, Gobierno di Aruba a bin ta ofrece yudansa den forma di Subsidio di Salario. Desde mei companianan cu ta bin na remarca pa e yudansa aki ta wordo notifica door di SVB y ta haya un plazo di tempo den cual mester aplica pa e yudansa aki pa asina por cubri un maximo di 60% di e salario di trahador. E meta di e yudansa financiero aki ta pa durante e crisis di COVID19 por conserva cupo di trabou na beneficio di Aruba su economia. Den luna di oktober 2020, un total di 1590 compania a haya Subsidio di Salario pa por cumpli cu e salario di 20877 trahador. E suma concerni ta 30.9 miyon florin.
Den oktober 1590 compania a haya sosten financiero den forma di Subisidio di Salario
