Awe mainta Aruba a keda sacudi cu e tristo noticia cu un persona hopi stima den comunidad a bay descansa,despues di un par di dia na hospital luchando pa su salud.
Mama Sofia /Ma Fia manera hopi di nos tabata yame. Un persona dedica na su yiunan , nietonan y bisanieta , tambe na su parokia . Un persona grandi den fe cu atrabes di su programa na Top 95 tabata hiba e palabra pa hopi di nos. Semper su porta di cas ta habri pa tur cu yega serca dje. Den e momentonan aki nos di E Arubiano News kier a extende nos palabra nan di condolencia na su yiunan Everaldo Croes y famia, Sandra Croes Suarez y famia, Endy Croes y famia y Edmond Croes y famia . Nos ta contento di por a conoce e gran señora aki y haya hopi palabranan bunita di su persona Cu mama Sofia sosega na Paz.