Prome Minister mr. Evelyn Wever Croes a vota den oranan di merdia na Maria College MAVO na Playa. E tabata compaña pa su esposa y yiunan. El a bias cu e ta un momento hopi emocionante pa motibo cu su yiu muhe ta vota pa prome biaha
Nan cuatro hunto a deposita nan voto simultaneamente den e buzon. “Ora cu mi ta wak mi nieto den mi braza, mi ta corda pakico mi ta den politica: Pa nos muchanan, pa e futuro generacion,” lider di MEP y Prome Minister di Aruba mr. Evelyn Wever Croes a bisa despues di a deposita su voto.
El a papia tambe e logro cu Hulanda cu a aproba e di tres tranche cu a logra haya e placa pa paga salario di empleadonan public y vakantieuitkering.
Pa loke ta campaña, el a bisa di ta hopi contente cu e reaccion bou comunidad. A haya hopi demanda pa nan bishita cas. Esaki ta contrario na antes, cu ta e partido tabata busca cas pa bishita.
El a probecha pa un biaha mas haci un apelacion na pueblo di Aruba pa a pesar di e Adelanto, ta urgi tur hende pa sigui cuida nan mes, haci uzo di tapaboca. “Duna nos un oportunidad y sigui cu e trabou, saca Aruba di e pandemia,” ta e apelacion el a haci na esnan cu tabata duda ainda pa ken pa vota.
E mandatario a finalisa bisando cu nan ta dispuesto pa traha cu tur partido, si pueblo dicidi pa coalicion, pero e unico partido cu lo no traha cu ne ta AVP. “Nos ta para pa Integridad, ta combati corupcion, mientras cu AVP ta Academia di Corupcion y cu nos no por traha cu eseynan.”
Evelyn Wever Croes: MEP ta traha cu tur partido menos AVP
