Den nivel di riesgo 2 músikonan por tene presentashon pa públiko si nan tene nan mes na e reglanan básiko. Por ehempel tene 1,5 meter di distansia, laba man regularmente i si tin keho traha un sita pa tèst mesora. Durante e presentashon públiko no mag kanta òf balia. Esaki ta konta pa tantu paden komo pafó. E presentashon ta tuma lugá den un establesimentu di hóreka, pues no na kas di hende. Pa presentashon den espasio públiko mester pidi un pèrmit.
For di 25 di yüli Boneiru ta ofisialmente den nivel di riesgo 2. E prohibishon pa kanta i balia paden i pafó ta un di e medidanan ku ta pertenesé na nivel di riesgo 2. Den práktika a resultá ku pa músikonan no tabata kompletamente kla ku presentashon pa públiko tabata pèrmití, tanten ku nan lo a tene nan mes na sierto kondishonnan.