Awe den oranan di mainta a sosode un caso cu por a bira hopi peligroso. E waya di coriente a cay net despues di un yobida fuerte y a laga un persona herida.
Polis mester a presenta un poco mas pariba di Tempo unda cu un waya di coriente a kibra, debi na e biento fuerte cu tabatin di repente. Esaki a sosode net na momento cu un persona tabata pasando riba su bais.
E waya a dal riba e bais y e persona a dal un grito debi cu el a sinti coriente a dal’e. Habitantenan den bisindario a conta cu nan a yama polis y ambulance mesora pa asina atende cu e persona. Ambulance a presenta, y e ciclista tabatin suerte cu e no a haya algo mas grave.
Elmar tambe a yega na e sitio pa atende cu e situacion mesora
