Dialuna mainta autoridadnan a informa abogado mr. Rossi Marchena cu su cliente Alan Howell ta wordo laga liber.
Esaki a sosode tambe den oranan di merdia pa atardi.
Segun e abogado a splica, Landsrecherche a haci nan interogacionnan y a conclui cu esaki tabata suficiente y no tin motibo mas pa su detencion. Si ta necesario, lo yam’e na e oficina pa duna mas detayes.
Siman pasa diahuebs a detene Howell relaciona cu investigacion Diamante cu tin di haber cu mal uzo di fondonan cu e partido ta haya for di fondo di Gobierno pa e fraccion den Parlamento. Inicio di e investigacion aki e aña’ki tabata motibo cu e lider di MEP mr. Evelyn Wever Croes a dicidi di baha su gobierno y yama eleccion nobo. POR no a logra suficiente voto pa drenta Parlamento bek.
E investigacion no a finalisa ainda.
Ex lider di POR Alan Howell den libertad
