E fiansanan di en total mas di un miyon euro cu Hulanda a ofrece como sosten di urgencia durante e pandemia di Corona, lo wordu refinancia y esaki permanentemente sin interes. Esaki, awe a wordu dicidi dor di Rijksministerraad.
Hulanda a ofrece e paisnan dentro di reino sosten durante di e pandemia. Esaki, entre otro cu ayudo pa cuido medico y financiero. A ofrece un fiansa di 441,7 miyon euro (915,5 miyon florin Arubano) pa Aruba, 448,2 miyon euro (911 miyon florin Antiano) pa Corsou, mientras cu Sint Maarten a ricibi 141,7 miyon euro (292,4 miyon florin Antiano).
E fiansanan sin interes tabata necesario pa e paisnan por a sigui paga nan debenan y pa subsidia salarionan suministra dor di companianan pa trahadonan. Na e manera aki a preveni bancarota y desempleo, durante di e temporada cu turismo a cai afo dor di COVID.
E fiansanan di liquides aki ta core te cu 10 april 2022. E situacion economico no a recupera suficientemente, pa realisa e pago di e fiansanan. Pa e motibo ey a dicidi pa prolonga e fiansa sin interes, cu un periodo di 18 luna. Ta e intencion pa usa e temporada aki, pa realisa a largo plaso palabracionnan encuanto pago di e fiansa.
Den Rijksministerraad a wordu palabra cu pa e di dos trimester, sosten di liquides no ta necesario pa e islanan.