For di 1 di yüni 2022, biaheronan pa Boneiru no mester yena deklarashon di salú mas. Esei ta nifiká ku for di e fecha ei no tin kondishonnan di biahe spesial mas pa biaheronan pa Boneiru. E deklarashon di salú ta kaduká awor ku e situashon di COVID-19 na Boneiru ta bou di kontròl.
Ta posibel ku ta introdusí e deklarashon di salú den futuro atrobe. Por ehèmpel si un variante nobo di e vírùs di corona surgi òf si tin un pik di kontagio na Boneiru, Pero ta mira esei pa kada situashon.
E departamento di Salubridat Públiko ta hasi un yamada na tur hende pa paga bon tinu ora tin keho ku ta parse di corona. Ta bai pa kehonan manera kentura, tosamentu, doló di garganta, fèrkout. E konseho ta pa yama 0800 0800 e ora ei pa traha un sita pa tèst.
Un persona ku kontagiá ku e vírùs di corona, mester bai sinku dia den isolashon. Kontaktonan estrecho i habitantenan di mesun kas ku un persona kontagiá no mester bai mas den karentena.