MISS TEEN ARUBA INTERNATIONAL ta diadomingo 17 di July den Cas di Cultura.
Conta nos un poco di bo mes ?
Mi nomber ta Ginayla Hernandez, un hoben dama di 19 aña di edad bishitando Colegio EPI unidad Economia Administration. Fun facts pa conocemi mihor ta
Hobbies Mi gusta baila y modela y make up.
Color faborito: Cora, Roos , blauw mint
Cancion cu mi gusta ta di Karol g
Cuminda cu mi gusta ta: Pasta alfredo
Destination: Grecia
Kico ta bo plan pa futuro ?
Mi meta y plan ta pa caba mi studio manera mester ta y pa yega mas leu cu ta posibel den mi profeshon.
Kico e temporada aki di Miss Teen a representa pabo ?
E temporada aki a comproba cu di berdad tur meta y sonjo por wordo realisa cu determinacion y diciplina. Ta un solo persona mi ta bai demostra tur loke mi por. E persona ey ta ami mes.
Kico pabo ta Belleza ?
bo mester ta flaco, halto , tin bon cabey , esei ta loke Sociedad tin como pensamento di belleza pero al final di dia nos tur ta diferente y humano.Sigur aparencia fisico ta hunga un rol pero loke ta haci abo bunita ta un persona educa, un persona cu respet y amor.
Kico ta bo mensahe pa Hubentud ?
Caba bo estudio, aporta y haci cos nan positivo pa bo mes y pa bo pais, logra bo metanan. Cada minuut di bo aporte, ta un minuut di motivashon y enseansa na un otro hoben.
Nos tur sonjo den bida, pero si nos no traha riba nan, nan no ta wordo logra, enfrenta bida cu balor y determinacion.
Si bo representa Aruba den exterior , kico lo bo destaca di Aruba ?
Sigur sigur e amabilidad caluroso di nos Arubano. Mi personalidad lo ta e yabi pa bende mi isla y nan bin bishita y disfruta di tur loke nos tin pa ofrece: di lama mas bunita te na e cuminda criyoyo di mas dushi di Aruba.
