Konseho di Minister a risibí e delegashon “Vaste commissie voor Binnenlandse Zaken” di Tweede Kamer. Tabata trata akí di un bishita di kortesia.
E komishon di Asuntunan Interior ta enkargá prinsipalmente ku asuntunan ku primeramente ta kai bou di responsabilidat di e minister di Asuntunan Interior i Relashonnan den Reino. E diferente tópikonan ta enserá por ehèmpel demokrasia i organisashon gubernamental, pero tambe un gobièrnu íntegro i ku ta presta bon. E komishon ademas ta atendé asuntunan general.
E delegashon tabata konsistí di sra. Kiki Hagen (D66), sra. Salima Belhaj (D66), sra. Inge van Dijk (CDA), sra. Renske Leijten (SP), sr. Jess Klaver (Groen Links), sra. Kati Piti (PvdA), sr. Don Ceder (CU), sra. Marieke Koekkoek (Volt), sra. Sylvana Simons (BIJ1) en sra. Marienne Verhoev (griffier).
E ministernan ku tabata presente tabata Minister Charles Cooper, Minister Ornelio Martina, Minister Dorothy Pietersz-Janga, Minister Ruisandro Cijntje, Minister Shalten Hato i Minister Javier Silvania.
