Accidente na Avenida Nelson O. Oduber

Diamars algo prome cu 7:30  di mainta, a sosode un accident riba Avenida Nelson O. Oduber, un auto blanco a brake pa bay baha caminda y e Honda cora kima su tras, maneha pa un dama no a controla su velocidad na tempo y a dal tras di e auto blanco. Patras di e Honda tabata biniendo un SUV cora cu no a brake na tempo y dal patras di e Honda.

E dama cu tabata manehando e Honda den e impacto a spanta asina hopi cu e la bira malo.Na e sitio a pidi pa presencia di polis y ambulance pa e paramediconan haci un chekeo medico cu e dama chauffeur.