Rode Kruis Aruba y Boneiro hunto pa 4 dia riba enseñansa di desaster

Rode Kruis Aruba a organisa un curso di desaster y na unda cu Rode Kruis Boneiro a participa na esaki. E ta un curso di 4 dia unda cu boluntarionan di Rode Kruis tanto di Aruba y Boneiro a haci teoria y practica riba desaster y con nan lo mester atende cu esaki na momento cu si un dia un situacion asina mester presenta na Aruba of na un di e islanan den Caribe. Diasabra madruga na veld flatstone na Piedraplat a tuma luga un similacro unda cu esenario tabata cu e tribunanan a basha abao y cay riba hende unda cu e boluntarionan di Rode Kruis Aruba y Boneiro mester a atende cu e situacion. Na final a evalua riba tur e accionnan cu a tuma luga y tambe con nan ta atende cu e caso den su totalidad. Diadomingo atardi e curso lo caba. Ta 4 dia di enseñansa pa ambos organisacion.