30 enfermero di CMC ta kompletá nan Spesialismo

30 enfermero di Curaçao Medical Center (CMC) ku a gradua den varios spesialismo a selebrá nan logro ayera den un esfera plasentero na Universidat di Korsou (UoC). E spesialismonan ta inkluí Kuido Intensivo, Emergensia, Neuro stroke care, Rekuperashon, Kuido intensivo pa beibi prematuro i alabes 9 enfermero ku a sigui VVO (Voortraject Vervolg Opleiding).

CMC ta super orguyoso di tur e enfermeronan ku a gradua i lo sigui ekipá e empleadonan ku e abilidatnan nesesario pa nan por sigui duna e kuido di kalidat haltu na pashènt. Un danki ta bai na e departamentu di Opleiding & Onderzoek ku ta hasiendo un tremendo trabou i tambe na Stichting IFE Curaçao ku a sòru pa duna e materia i guia e empleadonan den nan proseso.