Riba konseho di Inspekshon di Enseñansa, Entidat Públiko Boneiru a disidí pa sera un akohida pa mucha na Playa, pa motibu ku e akohida no ta kumpli ku algun eksigensia importante riba tereno di siguridat i salú. Na vários okashon doño di e akohida no a kumpli ku e término pa rekuperashon.
Temporalmente e muchanan por bai otro akohidanan ku ta dispuesto pa yuda. E ‘FrontOffice’ pa akohida pa mucha ta intermediá den e kaso akí.
E akohida pa mucha ku nan a sera, por habri atrobe ora ku solushoná e defisiensianan. Den kaso ku e organisashon en kestion no por garantisá akohida pa mucha responsabel, e ora ei ta kita su pèrmit. Esaki por nifiká ku mayornan tin ku bai buska un otro akohida pa nan yu. Nan lo haña sosten den esaki.
Mayornan ku tin pregunta por tuma kontakto ku e siguiente personanan di kontakto:
Jessica Kalkuins 9.00-12.00 14.00-16.00 7775503
Josslyn Teffer 9.00-12.00 7775502
Vanessa Rudolf 9.00-12.00 14.00 -16.00 7775514
