Reces a caba y practicamente a cuminsa tuma nota di instigacionnan y mentiranan pa trece duda den e stabilidad di e gobierno. Esaki ta mas bien door di hamber pa poder politico, principalmente e politico di teatro y gañado, cu kier e poder pa saca su rabia y mal uza apoyo di abo como ciudadano di e pais aki pa haci maldad na e mes un pueblo.
Aruba bo voto pa cada eleccion ta sagrado y hopi valioso. EA News a acerca Prome Minister Evelyn Wever Croes riba e insinuacion cu Prome Minister lo mester a bay gobernador y cu posiblemente lo tin turbulencia den gobierno.
Sinembargo nada di esaki ta cuadra cu berdad. Den e mente di e politico aki ta biba maldad y ta solamente den su fantasia y mente maligno lo por vocifera cu lo tin un carta cu Prome Minister lo a bay na gobernador cu ne pa pidi gobernador baha gobierno.
Den un matrimonio semper tin discusion y problema, pero e pareha matrimonial cu ta stima otro ta traha cu responsabilidad y compromiso na bienestar di nan relacion y pa soluciona problemanan y no ataca otro.
Den politica esaki ta mes un cos, na momento ta papia di un coalicion no ta tur cos ta sucu, tin situacion nan cu por pasa, pero e yabi di henter e coalicion aki ta pa traha hunto y yega na solucionnan pa un solo meta , e bienestar di Aruba.
Esaki ta loke ta pasa tambe den e gobierno actual.
Sinembargo politiconan cu odio debi cu nan ta wordo para y ta pone un stop nan dilanti pa no masacra e pais aki ta rebeldia y rabia paso ta perde poder y no por sinta riba trono y haci y deshaci mas.
Conflicto den politica semper lo tey y semper tabata tey sea cu ta den coalicion y tambe na momento cu un partido so ta sinta, conflicto ta existi semper den politica y esaki ta parti di e trabao , pero e vision y e meta y e disposicion di pone Aruba na prome luga, e conflictonan aki ta yega na solucionnan pa Aruba conhuntamente.
Manipula cu videonan y saca diferente pida di diferente topiconan cu no ta ni alcaso di supuesto conflictonan, e mente maestral di manipulacion di e politico Marisol Tromp pa manipula abo como pueblo di Aruba ta venenoso y peligroso, bo ta imaginabo kico esaki por haci na momento cu tin poder?, e poder cu e ta bin ta busca pa masacra bo mes como ciudadano di pais Aruba den futuro?
Conflicto den gobernacion semper tabatin y esaki nunca lo no cambia, pero e bondad pa realmente traha pa Aruba ta poco politico por bisa cu realmente nan tine y tin Aruba na pecho y den e caso aki Parlamentario di partido MAS Marisol Tromp sigur no tine y esaki e la demostra den diferente momentonan unda cu hasta mester a bahe como minister.
Na momento cu ta papia di un coalicion mester tin union y respeta prome minister di e pais ken sea cu e ta, y na momento cu haci un pregunta si ta den whatsapp of no si berdaderamente bo ta un minister y of un politico responsabel bo ta contesta sin miedo.
Sinembargo Marisol Tromp cu su arogancia y e poder cu e tabatin y cu te dia di awe ta yora pe pa solamente e haci malo na pais Aruba ta mustra hopi e tipo y clase di serhumano e ta y politico cu e ta berdaderamente.
Sinembargo gobierno aki ta un di e gobiernonan cu ta e unico cu a haya retonan grandi su dilanti, pero a para firme pa saca Aruba padilanti. Retonan cu te dia di awe tin consecuencianan riba dje. Gobiernonan den pasado incluyendo Marisol Tromp den MEP, AVP y POR den tur e partidonan cu e la pasa bula a masacra e pida baranca aki. A haya Aruba den nan gloria, pero no a percura pa e pueblo ta bon, pero nan como politico.
Insinuacionnan di solamente un persona cu maldad den su mente y gañado manera Marisol Tromp ta busca motibonan pa venga enbes di trece solucionnan, pas, enbes di uza su fantasia pa cosnan positivo pa Aruba bay padilanti y no uza e pueblo pa manipula pa saca su rabia personal.
Desesperacion politico, manera un “angel” den misa y awe ta ataca sin base, mane semper gaña pa su interesnan y hambra pa poder politico.
Na mes momento EA news por confirma cu gobierno ta trahando duro pa trece solucionnan y alivio pa e pueblo di Aruba. Actualmente no tin ningun problema pa gobierno cay, manera ta e deseo di Marisol Tromp. Marisol Tromp bo ta un gañado y manipulado grandi.