Diahuebs anochi pa 18:57 central di polis ta wordo informa di un caso na unda cu un persona lo mester a wordo maltrata pabao di Bushiribana. E persona maltrata lo ta den un di e trail cu ta wordo uza pa ciclistanan.
Central ta despacha patruya di polis como tambe e helicopter di polis pa asina cuminsa cu un busceda pa cu e persona.
Despues di un rato e helikopter di polis ta localisa e persona hende homber. Ta guia e patruya pa por yega na sitio na unda e persona ta. Patruya ta encontra cu e persona hende homber y ta transporta e victima na alrura di Matividiri pa asina personal di ambulance por a dune tratamento medico y despues ta transporte pa hospital.
E prome informe ta cu segun e victima e lo a wordo maltrata pa 4 homber bisti full na preto y probablemente nan lo kier a cende na candela.
Recherche a bay na e sitio como tambe polis technico pa asina cuminsa cu e investigacion.
Cuerpo Policial ta haci un apelacion es cu sa algo of a wak algo yama e tiplijn di polis cu ta 11141. Bo anonimidad lo keda garantisa.