Inscripcion di Tumba a tuma luga dia 9 di januari cu a pasa y e siguiente dia algun banda reconoci y importante a tuma e decision cu nan lo no bay participa e aña aki den festival di Tumba. Juric salamon di Shine Music, Jairo Evertsz di Buleria, Roderick “Rocco” Franken, tumbero y cantante di Buleria, Chendell Beaumont, Rey di Tumba 2023 y cantante di Suona, Julissa Hoevertsz, representante di DLS. Tur di nan tabata presente y a yama un conferencia di prensa pa anuncia na comunidad di Aruba cu nan no lo participa den festival di Tumba pa Carnaval 70. E puntonan cu no lo participa ta pa 1)Falta di informacion y comunicacion, 2) falta di promocion pa cu e festival di Tumba.