Diamars dia 19 di december, manera nan ta haciendo pa hopi aña caba, MetaCorp a facilita un lunch pa e organisacion Curazon di Savaneta na Gloria@ The Movies. Curazon di Savaneta ta un grupo social dedica specialmente na e adultonan mayor.
E actividad aki ta un donacion cu ta tuma luga pa mas cu 20 aña y cu semper a conta cu sosten di MetaCorp y cu masha orguyo MetaCorp a continua cu e tradicion aki.
Gloria@the Movies tabatin un preparacion special pa e evento aki, tur e invitadonan por a disfruta di un Christmas Breakfast Buffet. Tabatin alrededor di 50 miembro di parti di e organisacion.
Un di e pilarnan di MetaCorp su Corporate Social Responsibility ta pa duna sosten na e adultonan mayor den nos comunidad, pues sin duda esaki ta un tradicion cu nos lo sigui cu ne tur aña.
