Ayera anochi Wardakosta a risibí un notifikashon pa un evakuashon médiko riba un
barku krusero. Tabata trata di un hende muhé di 81 aña di edat ku a haña un atake
selebral. E persona ku a mèldu Wardakosta a informá ku tin nesesidat di un helikòpter
pa transportá e persona urgente pa un hospital pa e risibí kuido médiko. E Sentro
Operashonal Marítimo di Wardakosta, despues di e notifikashon a tumá kontakto ku e
médiko di CITRO, ku a drenta den kontakto ku médikonan abordo di e krusero. Abase
di e konsulta ku e médiko di CITRO a manda e helikòpter na e krusero ku tabata na sùit
ost di Boneiru, pa rekohé e señora i hib’é aeropuerto Hato kaminda un ambulans tabata
pará kla pa transport’é pa hospital. Wardakosta ta deseá e persona un pronto
rekuperashon.
Helikòpter di Wardakosta ta evakuá persona malu for di riba barku krusero
