Sekshon di Kultura Arte i Literatura (SKAL) ta organisá bispu di selebrashon di
San Juan ku ‘Chispa di Wan i Pedo’ riba dia 22 di yüni 2024. Nan ta tene e ‘Chispa’ na SKAL
na Playa i e ta kuminsá pa 19:30 or. E selebrashon ofisial di San Juan i San Pedo ta dia 24 i
29 di yüni, pero segun tradishon nan ta selebr’é den anochi di 23 pa manesé 24 di yüni i den
anochi di 28 pa manesé 29 di yüni.
Durante e selebrashon ta un kustumber ku hendenan for di den públiko ta bula kandela.
Diferente grupo di músiko ta pasa kantando i tokando na kas serka hendenan ku tin un
nòmber ku ta derivá di Juan òf Pedro, por ehèmpel Juanita òf Petra. E tokadónan ta toka
entre otro kuarta i kitara i tambe instrumentonan tradishonal manera marímbula i bamba.
Pa ‘Chispa di Wan i Pedo’ SKAL a hinka un programa hopi variá den otro. E selebrashon ta
kuminsá pa 19:30 or.
For di 20:00 or tin músika bibu. Formashon Musikal Krioyo ta presentá for di 20:00 or te
21:00 or. E grupo musikal JC & Friends ta toka for di 21:00 te 22:00 or. Nan presentashon ta
kombiná ku bulamentu di kandela. Pa 22:30 or e programa ta terminá.
SKAL ta invitá tur hende pa bin gosa di ‘Chispa di Wan i Pedo’, i tambe pa selebrá Dia di San
Juan i San Pedro den nos barionan huntu ku e habitantenan.
Chispa di Wan i Pedo dia 22 di yüni 2024
