Presidente Wanda Broeksema ta forma parti di comision di coordinacion pa Lima2027.Recien a drenta e grato noticia cu presidente di Comite Olimpico Arubano, Sra. Wanda Broeksema lo forma parti di e comision di coordinacion pa cu e Weganan Panamericano di Lima2027. Esaki ta encera cu Wanda lo tin un gran responsabilidad pa percura cu tur preparacion y ehecucion di e weganan bay den un manera corecto y ameno. E comision aki ta consisti di 11 miembro, y lo tin Sra. Damaris Young, Presidente di Comite Olimpico di Panama como presidente di comision. Sigur cu Wanda su experiencia den e ambito di coordinacion y mercadeo lo hunga un rol importante pa cu e organisacion di e weganan importante aki.
Nicole Hoevertsz a keda nombra den e comision nan di PanamSports.Secretaria General di Comite Olimpico Arubano, Nicole Hoevertsz a keda nombra den dos comision importante di Panam Sports, cu ta e organisacion regional cu ta maneha deporte Olimpico den e region Panamericano.
E prome di e dos comisionnan cu Nicole lo forma parti di dje y lo fungi como presidente ta e comision “Comision de Deporte Seguro”, cu ta sigur un tema hopi importante como e parti di “SAFE SPORT”. E tema di deporte sigur ta esencial pa salvaguardia e bienestar di tur hende den e mundo di deporte. COA ta reconoce e importancia di esaki, y recien a manda Betzabeth Rasmijn pa e pais di Panama p’asina participa den e capacitacion cu a ofrece pa cu “Safe Sport”, cu pronto lo inicia diferente proyecto den e ambito aki. Banda di esaki, Nicole lo ta den e comision di “Comision de Etica y Buen Gobierno” cu ta enfoca den e patri di bon gobernansa y etica, cu tambe ta puntonan clave den e plan strategico di Comite Olimpico Arubano. Nos ta desea Nicole hopi exito cu e retonan aki, y ta sigur cu lo por conta cu su expertisio y experencia pa asina aplica locual e lo aplica na nivel regional na Aruba.