Riba djabièrnè 9 mei e Komishon di Relashon den Reino di Tweede Kamer a bishitá Departamento di Agrikultura, Krio di Bestia i Peska (LVV) na Boneiru. E delegashon tabata bou di guia di e presidente di e komishon Olger van Dijk (NSC) i tabata konsistí ademas di Raoul White (GroenLinks-PvdA), Aukje de Vries (VVD), Faith Bruyning (NSC), Mpanzu Bamenga (D66), Don Ceder (ChristenUnie) i griffier di e komishon Eva Meijers.
Durante e bishita a hiba diskushonnan amplio tokante e proyektonan i trabounan di LVV, i alabes e situashon di agrikultura na Boneiru. E miembronan di e komishon a haña un rekorido di e isla su empresanan di agrikultura i krio di bestia i a papia ku e kunukeronan lokal tokante nan eksperensianan i e retonan ku nan ta enfrentá riba un base diario. Kunukeronan di entre otro B-Fresh, Daily Fresh, Queen Clarita, Nature Cooking, Island Tings i Bon Tera a tuma parti na e diskushon.
E bishita a brinda oportunidat pa diskutí tokante e posibilidatnan pa desaroyo di agrikultura duradero riba Boneiru i a eksperensiá komo fruktífero pa e koperashon entre Tweede Kamer i e sektor lokal.
