Cas di Cultura ta drentando e parti final di su MFA Roadshow- parti di su mision pa inclui e comunidad di Aruba y comparti updatenan emocionante tocante e futuro di nos teatro nacional. Cu dos oportunidad final pa join e combersacion, pueblo ta calurosamente invita pa asisti:
Diaranson, 28 di Mei pa 7:30 PM – Scol di Arte
Diaranson 11 di Juni pa 6:00 PM – MFA Savaneta (sesion final)
E sesionnan aki ta un chance pa henter comunidad siña mas tocante E Brasa, e proyecto ambicioso di renobacion y revitalisacion di Cas di Cultura cu lo transforma nos centro cultural den un lugar mas dinamico y sostenibel pa arte.
Nos ta invita tur hende — artistanan, studiantenan, trahadornan cultural, bisiñanan y bishitantenan di Cas di Cultura — pa sali, hasi pregunta, comparti sugerencia, y refleha riba experencianan personal cu Cas di Cultura. Esaki ta mas cu un renobacion; e ta un reimaginacion di kiko cultura y comunidad por ta na Aruba.
Join nos den nos parada final di e biahe inspirativo aki. Yuda forma e siguiente capitulo di Cas di Cultura.
Pa mas informacion por bishita www.casdicultura.aw of sigui nos riba medionan social.
