Riba dialuna 19 di mei último, Sekretario-General i Direktor di Konseho Sosial Ekonómiko (SER), Sr. Raúl Henriquez, kompañá pa algun di su asesornan a yama bon biní na Sr. Arslan Chaudhary, Ofisial di Koördinashon di Desaroyo i Sr. Mark Thomas, Ofisial di Finansa di Asosiashon i Desaroyo di Willemstad, pa un bishita pa sera konosí na ofisinanan di SER Kòrsou. Sr. Chaudhary i Sr. Mark Thomas ta forma parti di e Ofisina di e Kordinadó Residente (RCO) na Trinidad i Tobago. Na Trinidad i Tobago, e Ofisina di e Kordinadó Residente (RCO) ta sostené e trabou di e Kordinadó Residente di Nashonnan Uni i ta kordiná aktividatnan di e Tim di Pais di Nashonnan Uni den su kompromiso ku Gobièrnu. E RCO na Port-of-Spain ta un Multi-Country Office (MCO), responsabel pa Trinidad & Tobago, Aruba, Kòrsou i Sint Maarten.
E bishita a brinda un oportunidat balioso pa sigui fortalesé e relashon duradero entre SER di Kòrsou i e Ofisina di e Koördinadó Residente (RCO) di Nashonnan Uní na Trinidad i Tobago. E reunion a proveé un plataforma pa ámbos partido interkambiá informashonnan riba desaroyonan di interes mutuo, miéntras ku tambe a reforsá e fundeshi pa mehorá kolaborashon i sinergianan stratégiko. Durante e bishita Sr. Chaudhary i Sr. Thomas a duna detaye tokante e próksimo analisis di pais “Common Country Analysis” ku mester hasi pa e isla di Kòrsou. E ekipo tékniko di SER a demostrá su sosten na e esfuersonan dediká di e Ofisina di e “Resident Coordinator”. Ademas nan a mustra nan disponibilidat pa kolaborá i duna un bista relashoná ku e próksimo Análisis di Pais. SER ansiosamente lo aportá na e investigashon i ta konfia ku e próksimo estudio lo kondusí pa plantiá un vishon stratégiko, a largo plaso.