For di 26 di yüni Selibon i Afvalzorg Nederland ta trahando huntu pa paga e kandelanan bou di tera na Lèntfel Lagun. Promé nan a investigá na unda e fokonan di kandela ta keda. Despues nan a kuminsá ku friamentu i pagamentu di e sitionan akí.
Ta paga e fokonan di kandela na un manera seif i kompleto
Un pa un nan ta atendé ku e fokonan di kandela. Koutelosamente nan ta koba i habri e sitionan kaminda ainda tin kandela. Asina nan mira huma, nan ta basha hopi awa riba esaki. Di e manera akí nan ta paga i fria e restunan di kandela. Ku esaki nan ta evitá ku e kandela ta sigui plama mas aleu. Di e manera akí nan ta kita tur riesgo tambe.
Tin ora pa un ratu kòrtiku huma por sali. Mayoria biaha e huma akí ta disparsé rápidamente. Bo ta eksperensiá molèster tòg? E ora ei bo por tuma kontakto ku Entidat Públiko Boneiru via e number di telefòn +599 777 2243.
Traspaso di konosementu na Selibon
Afvalzorg Nederland no ta yuda solamente ku pagamentu di kandela, pero tambe nan ta traha intensivamente huntu ku Selibon. Nan ta traspasá konosementu i eksperensia na un grupo di empleado di Selibon. Di e manera akí den futuro Selibon mes por atendé ku e tipo di kandela akí.
Den e simannan binidero e trabou ta sigui
Den e simannan binidero tambe Selibon i Afvalzorg Nederland ta kontinuá ku pagamentu di e kandelanan bou di tera. Huntu nan ta traha riba un solushon seif i duradero pa e lèntfel.