Polis di Boneiro a informa cu den e ultimo dianan aki a sosode un serie di ladronicia den poblacion di Boneiro. Diahuebs pasa a haci denuncia di un ladronicia cu a pasa den un alohamento pa turistanan, hendenan ta bon disfruta di nos dushi isla y awo ta haya sorpresa di ladronicia. A horta dos iPad, dos AirPod, un oloshi di oro, un GoPro, un bril di solo y varios joya( renchi dede, renchi orea etc etc). Siguramente e turistanan no a spera un sorpresa asina y husto riba nan vakantie.
Mesun dia, polisnan a wordo informa cu malhechornan a horta un bicicleta electrico preto, un fatbike esunnan cu tire hancho, cu tabata mara dilanti di un cas na Caya Sabana. Diaranson polisnan a haña tres scooter horta na Kaya Victoria. Tambe a ricibi denuncia di ladronicia di dos bateria di un truck na Kaya Industria i a horta hopi herment di trabao for di un garage na Kaya Monsigneur Nieuwindt. Desconocinan a horta tres boormashin, dos mashin di mula y dos cargado. E caso ta wordo investiga.
Diaranson anochi a aresta un homber di 54 aña na Kaya Dr. Jose Girigorio Hernandez pa ladronicia. E sospechoso a wordo reconoci den imagennan di Camara mientras e tabata cometiendo ladronicia na un empresa. E investigacion den e caso aki ta continua, segun polis a informa.