Hefe di INDEBON Terrence de Jongh huntu ku diputado Peter Silberie tabata presente pa mira i mustra e trabounan ku ta tumando lugá. Vèlt Pariba na Rincon awor tin su propio klenkunan. Esaki no ta solamente pa bunitesa di e vèlt, pero tambe pa uso di un sistema di desagwe pa den temporada di áwaseru e awa por kore bai sin ningun problema.
Aparte di Vèlt Pariba na Rincon ku ta den un fase di konstrukshon kaminda ta kedando kla ku ponementu di klenku, pueblo ya por mira algun vèlt ku klenku kaba manera: Stadion di Playa i Vèlt Elion Flores. INDEBON ta kontinuá ku trabou di konstrukshon na diferente fasilidat deportivo.
