Riba djabièrnè 5 di sèptèmber na Captain Don’s Habitat a tuma lugá un konsultashon di kadena ku representantenan di kuido di hubentut, enseñansa, kuido di salú i kadena di siguridat. Durante e enkuentro akí e partisipantenan a bai den kòmbersashon ku otro den diferente grupo konosí komo mesa di diálogo, pa yega na un plan di akshon konhunto. E plan akí ta enfoká riba prevenshon di kriminalidat hubenil i riba kreashon di un ambiente di biba seif i riku na oportunidat pa nos hóbennan di Boneiru.
E konsultashon a konosé un asistensia amplio i a enfatisá e disponibilidat grandi pa kolaborashon entre tur partido enbolbí. E kontribushonnan balioso di e partisipantenan ta forma un base sólido pa ehekushon mas aleu di e maneho integral di siguridat pa hóben.
Entidat Públiko Boneiru ta ekspresá su gratitut na tur partner pa nan kompromiso aktivo i ta spera kontinuashon di e kolaborashon, ku komo meta komun: brinda nos hóbennan e mihó oportunidatnan pa krese na un manera seif i positivo.
