cuater maestro a completa e certificacion di Ocean Literacy for Educators di UNESCO. Den un colaboracion entre UNESCO Aruba y Aula di Lama (di Iberostar Foundation), a guia un programa di 12 siman unda a discuti diferente tema importante pa nos conocemento di lama y e retonan cu nos oceano ta enfrenta. Esaki ta den cuadro di e UN Decade of Ocean Science. Un pabien ta bai na e cuater maestronan: Brooke Barrett di School House, Susanne Spanjers-Steeghs di YNZ Montesorri, Jasmin Kelly di Cacique Maquarima y Gyseth Arends di Edu Campus. Alabes, ta extende un invitacion na otro maestronan pa participa den e di dos ronda di Ocean Literacy for Educators cu lo cuminsa na maart.
Pa Aruba, como un isla rondona pa lama, e tema aki ta sumamente relevante, pero hopi biaha e no ta presente den e curriculo escolar. E programa online internacional di UNESCO ta trata e temanan aki di un forma general, considerando cu lama ta conecta henter mundo. Aki ta unda e colaboracion cu Aula di Lama ta duna balor agrega, brindando un espacio semanal pa discuti e temanan aki y conecta nan cu e realidad di Aruba pa medio di ehempelnan local, field trips y actividadnan demostrativo cu por wordo realisa den klas na un costo minimo. E contextualisacion aki a wordo presenta pa Jean Paul Moquette, kende tin su estudio den Coastal & Marine Management, y docente di Universidad di Aruba, Christie Mettes.
E ciclo nobo pa e programa aki lo cuminsa dia 5 di maart y lo sigui te cu dia 25 di juni. E programa ta cubri e siguiente temanan:
-
The importance of the Ocean to sustain life on this planet
-
Public benefits of the Ocean
-
Marine Pollution
-
Over-exploitation of the Ocean
-
Climate Change
-
Sustainability Challenges
-
Marine Protection
-
Sustainable Solutions
-
UN Decade of Ocean Science
-
Ocean Literacy Framework
Por registra via e pagina di Facebook Aula di Lama, via e-mail na auladilama@Iberostar.com of via WhatsApp na +297 741 2943.