Secuela di exitosa pelicula local a atrai famia, amigonan y fanatico di e produccion
E pelicula local E Bruha, Bruhá 2 a wordo presenta siman pasa como un evento den aire liber na Sero Pita. E evento a reuni famia, amigonan di e produccion y fanatico, dando nan e oportunidad di disfruta di e secuela aki.
E pelicula ta conta cu actuacion destacá di Yvonne Tromp, Desiree Croes, Addonsito Croes, Lelicia Tromp, Mirto Tromp, Edwin Duineveld, Egmond Molina y Shajir Croes, hunto cu un cast di extra cu a completa e produccion.
Desiree Croes a gradici tur hende pa nan sosten continuo y a indica cu tur fondo recauda durante e presentacion lo wordo investi den e produccion di E Bruha, Bruhá 3, cu lo completa e trilogia.
E Bruha, Bruhá ta basa riba e buki local No Mas, skirbi pa Desiree Croes. Su prome entrega, E Bruha, Bruhá 1, a logra un exito grandi na aña 2025, atrayendo un audiencia amplio na Aruba, Corsou y parti di Amsterdam, y a gana e titulo di “Pelicula di Aña” na Krioyo Film Festival 2025.
E Bruha, Bruhá 1 ta disponibel pa mira riba e plataforma digital VIMEO.com.
