Diabierna anochi durante e control preventivo (preventief fouilleren) riba posesion di arma di candela den districto di Noord y San Nicolas a tene control den varios auto y a ristra varios persona.
Durante e control den e zona di hotelnan (hotzone) a bin detene un homber cu tabata tin un suma cuantioso di placa den su poder. A controla den su auto y a topa cu droga y artefactonan relata cu esaki.
Por menciona cu durante accion di ristramento preventivo a confisca un cuchiu, pepperspray y tambe droga.
E control preventivo lo sigui awe diasabra di 6’or atardi te cu diadomingo mainta pa 6’or.
Ministerio Publico y KPA ta traha estrechamente pa reforza seguridad riba caya y pa proteha particularmente nos hobennan.
