Den un intervencion den Parlamento, Eduard Pieters, Lider di Fraccion di PPA, a expresa su rechaso y preocupacionnan al respecto di e proceduranan cu ta wordo uza pa trata Rijkswetten y e maneho di fondonan publico.
Preocupacionnan riba e fundo di invercion y Rijkswet
Sr. Pieters a subraya cu tin varios motibo pakico nan fraccion no por duna sosten na e fundo di invercion. Entre otro, el a trece dilanti e siguiente puntonan:
• Ausencia di base legal: Segun Sr. Pieters, no tin un base legal solido pa e decisionnan cu ta wordo tuma den e fondo di invercion, y el a cuestiona e procedura uza pa Rijkswet den e Hoofdlijnen en werking van het fonds.
• Interferencia cu Constitucion: E parlamentario a expresa preocupacion cu e maneho di e fondonan a base di e Rijkswet ta bira un interferencia directo den nos Constitucion.
• Solicitud pa claridad: Sr. Pieters a recorda cu e la solicita un repeticion y un rapport di Algemene Rekenkamer pa por a analisa e ley di fondo di invercion aki den un forma mas transparente.
Sr. Pieters a conclui bisando cu PPA no ta convenci cu e fondo di inversion ta cumpli cu e normanan debido y cu nan ta mantene nan postura critico contra e proceduranan cu minister Geoffrey Wever ta encamina, den conflicto cu Constitucion y Statuto di Pais Aruba.
https://www.tiktok.com/tiktokstudio/content