E Trias Politica, introduci pa e filosofo Montesquieu, ta e pilar di un estado di derecho democratico. E ta e principio cu e poder di estado no mester ta den man di un solo persona of instancia, sino mester ta dividi den tres poder independiente pa evita abuso di poder:
1. Poder Legislativo: Ta esnan cu ta traha e leynan (Parlamento).
2. Poder Ejecutivo: Ta esnan cu ta ehecuta e leynan (Gobierno/Ministerio).
3. Poder Hudicial: Ta esnan cu ta interpreta e leynan y husga ora tin conflicto (Huez/Corte).
E Rol di Comercio den e Trias Politica
Den un sociedad sano, e sector comercial (priva) no ta parti di e Trias Politica, pero e ta un actor fundamental cu ta depende di dje. E “distancia” necesario entre comercio y gobierno ta loke nos ta yama integridad institucional. Comercio mester cana caminda nan pa logra nan peticionnan manera cualkier otro ciudadano, ningun hende no tin voorgang riba ningun hende , pesey e gobierno mester percura pa e departamentonan cu ta duna e servicio ta stabiel y optimal pa por brinda e servicio na comercio y comunidad igual, pa NO pidi fabor politico.
Kico ta e “Linia Cora”?
E linia cora ta e frontera unda cu e interes priva (ganashi) ta cuminsa influi e interes publico (bienestar general). E linia aki ta wordo crusa ora cu:
• Favoritismo y “Cronyism”: Gobierno ta duna contracto, permiso, of bentaha fiscal na compañianan basa riba relacion personal of donacion politico, en bes di merito of e miho interes di e pais.
• Lobbying indibido: Comercio ta uza forsa financiero pa “cumpra” influencia den e procesonan di legislacion (e.e., traha leynan na midi pa un sector specifico).
• Captura di Estado: Ora e sector comercial tin asina tanto poder cu e gobierno no ta goberna pa e pueblo, sino pa e interes di un grupo empresarial poderoso.
Dicon y Pakico e Distancia ta Vital?
1. Pa Proteha e Competencia Libre
Ora gobierno y comercio ta demasiado cerca, esaki ta crea un “tereno di wega” (playing field) cu no ta husto. Si un gobierno ta fabor di un empresa, e ta stroba otronan di competi honestamente, lo cual ta perhudica innovacion y calidad pa e ciudadano.
2. Pa Sigura e Confiansa di Pueblo
E Trias Politica ta existi pa sirbi e interes general. Si e ciudadanonan sinti cu e decisionnan di gobierno ta wordo dicta pa e interes di e “elite empresarial,” e confiansa den e institucionnan democratico ta kibrando. Esaki por hiba na instabilidad social.
3. Pa Evita Corupcion
E separacion ta actua como un “check and balance”.Actualmente e fondo di invercion di Aruba cu a caba di pasa tin e “check and balance”?. E poder hudicial tin cu keda totalmente independiente pa, si den caso comercio y gobierno crusa e linea cora den forma ilegal, por tin un instancia cu por investiga y castiga esaki sin miedo of faboritismo. Awo si crusa e linja tog cu apoyo di marionetanan den parlamento ? kico or pasa ?
4. E Rol di ‘Fiscalidad’ y ‘Regulacion’
Gobierno tin e deber di regula e mercado (pa proteha medio ambiente, derechonan laboral, y siguridad). Gobienro di AVP –FUTURO ta cumpliendo cu esaki ?Si no tin distancia, e gobierno ta bira “suave” of complice, lagando e sector priva opera sin control, cual ta pone e bienestar di e poblacion na riesgo.
Conclusion
E sector comercial ta e motor di economia, pero e no por ta e stuur di e barco politico. E linea cora ta e integridad: e gobierno mester ta un arbitro imparcial cu ta percura pa e reglanan di wega ta igual pa tur hende. Ora e distincion aki bira dudoso, e democracia ta perde su balor, y e economia ta bira un instrumento di esnan cu tin mas placa, en bes di un instrumento pa progreso di henter e nacion den e caso aki PAIS Aruba.
¿Bo ta kere cu e distincion aki ta wordo respeta suficiente den e contexto actual di nos isla, of bo ta mira señalnan cu e linea cora ta birando mas sutil?