Segun psicologo Mitsy Willems, hopi biaha e ser humano ta pasa den diferente dificultad emocional y social cu ta keda como un trauma. Nan ta cuminsa cu seccionnan psicologico pa yuda cu e problema, pero hopi biaha nan no ta caba cu e seccionnan pa motivo cu bo ta touch trauma nan cu nan no kier recorda, Sinembargo, cu e programa “SETMINDX”ta mira un otro desaroyo y cambio den e persona na unda no mester touch su trauma.
Segun Mitsy Willems, e programa aki ta yuda e persona di un manera cu e ta traha cu su autoestima, cual ta hopi importante. E programa ta yuda no bira selfish, sino duna self-care. Hopi biaha, nos ta biba den un constante situacion cu nos ta worry hopi kico otro hende ta bisa of nos ta asumi of tuma cosnan personal, , nos mente ta crea cosnan pero cu ta abo mes, e ta bo parti interior di bo mes, esun cu ta wak cosnan y crea. E programa ta yuda mas tanto pa bo mes control, cual bo tin pa den, pasobra nos no por controla lo cual nos tin pafo.
“SETMINDX “ ta reprograma neurologicamente tur e informacion nan negativo. E ta un Protocol pa ora bo pone of duna Información na bo cerebro, esaki ta programa pa wak e mas positivo. Inclusivo, mi a yega di wak caso nan di depresion hopi halto, y mi tin testimonio ultimo, bo ta wak un persona full depressief y cu nos programa “SETMINDX “awor e ta happy, ta sinti su mes bon, ta bayendo mas bon cada dia, pasobra dies e hecho di kere di lo cual bo ta ta haci un diferencia.
Si bo pone y bo bisa algo negativo, bo curpa ta bay ta reacciona negativamente, pero si bo tin e self-esteem halto, of e reprogramacion, bo ta bira un otro persona, mas positivo y ta wak e situacion diferente y cu mas fortaleza.
