Indebon, den kolaborashon ku Fundashon Wega di Number Boneiru (FWNB) i diputado Silberie, a duna un aktualisashon relashoná ku progreso di e trabou di renobashon di Vèlt Pal’i Tamarein. E vèlt ta den un proseso di transformashon pa bira un kancha di yerba multifunshonal. E proyekto akí ta keda realisá den kolaborashon ku Fundashon Wega di Number Boneiru. E fasilidat ta bai ofresé un espasio adekuá kaminda diferente deporte por tuma lugá, manera rugby, hockey, frisbee i futbòl. E proyekto ta andando kaba i segun planifikashon e lo ta kla den luna di òktober. Indebon kier sigurá ku e kancha multifunsional nobo akí lo ta un fasilidat bunita i útil pa tur deportista na Boneiru, i ta spera ku e komunidat deportivo ta bai hasi bon uso di dje.
