E preis aktual pa webu di galiña importá ta data for di 2017. Den luna di yüni 2022 importadónan di webu di galiña a entregá un petishon pa adaptashon di e preis di benta por mayor i por menor a base di e preis di kompra ku a oumentá. A usa e informashon optené komo base pa adaptashon di e preis máksimo pa webu di galiña ku no ta produsí na Boneiru.
Ku e meta pa hasi disponibilidat di webu di galiña importá posibel riba merkado lokal pa kombatí e skarsedat di e último lunanan, Kolegio Ehekutivo a disidí pa entrante 25 di novèmber 2022 adaptá e preis di benta por mayor i por menor di webu di galiña importá. E preis di benta por menor pa webu lokal no ta kambia.
Entrante 25 di novèmber 2022 e siguiente preisnan di benta pa webu di galiña ta bálido:
Preis di benta por mayor pa webu di galiña ku no ta produsí na Boneiru:
Ku un peso di 730 gram òf mas pa dozein, inkluso empake $ 3.28
Ku un peso di ménos ku 730 gram pa dozein, inkluso empake $ 3.21
Preis di benta por menor pa webu di galiña ku no ta produsí na Boneiru:
Ku un peso di 730 gram òf mas pa dozein, inkluso empake $ 3.46
Ku un peso di ménos ku 730 gram pa dozein, inkluso empake $ 3.38