Featured Aruba Turismo Social

AHATA “Excellence in 2020 Awards” ta reconoce empleadonan ehemplar


Aruba Hotel & Tourism Association (AHATA) ta organisa e ‘AHATA Excellence Awards’ anualmente pa honra e empleadonan excepcional di nos industria turistico. Debi na e pandemia di COVID-19, e anochi especial no por tuma luga e aña aki. Sinembargo, ta importante pa reconoce e empleadonan cu den un aña devastador manera 2020 a mantene un nivel halto di motivacion y productividad. E crisis ta exigi un compromiso renoba di un y tur pa reconstrui nos economia, y mas cu nunca AHATA ta determina pa honra e personanan cu a contribui extraordinariamente durante e temporada sin precedente cu Aruba su turismo a enfrenta.

Hopi empleado den e sector a demonstra resiliencia y motivacion durante e crisis di 2020 y ta contribui cu un dedicacion enorme. Danki na sponsor CMB (Caribbean Mercantile Bank) AHATA lo reconoce e esfuerso extraordinario di empleadonan ehemplar cu ta na e “front line” di recuperacion di nos industria di turismo.

E companianan miembro di AHATA a haya oportunidad pa selecciona un empleado cu a resalta mas cu tur durante e crisis pa ricibi e “AHATA Excellence in 2020 Award.” Durante un bishita di Presidente y CEO di AHATA, Tisa LaSorte, e honradonan lo ricibi un certificado pa nan dedicacion remarcabel y un regalo pa incentiva spaarmento y yuda contribui na reservanan pa un futuro mas sigur.

Cada homenahe lo keda publica riba red social di AHATA durante e simannan binidero.

Related posts

Drs. Mervin Wyatt-Ras: Problemanan di hubentud ta sigui aumenta: crisisplan no tabatin su efecto desea

EA News Author

A detecta mas caso di Variante Corona na Aruba

EA News Author

Akademia Popular Errol Scoop ku siklo “Patriotismo”

EA News Author

Leave a Comment